KALIBO, Aklan—Pabor si Aklan 1st District Board Member Soviet Russia Dela Cruz sa ginhimo nga tikang it Department of Eductaion (DepEd) agud nga mapadayun ro pagtuon it mga pamatan-on sa pihak it ginapangatubang nga pandemya daea it COVID-19.
Suno kana, kinahang-ean nga magamit it mga estudyante ro andang bakanteng oras agud nga magkatingo pinaagi sa pagtuon.
Raya hay matapos nga ginpasiguro it DepEd nga owa it matabo nga face to face classes agud nga masiguro ro kaeuwasan it kada isaea.
Sa makarun nagasabat ro mga unga it andang leksyon pinaagi sa mga Self-Learning Modules nga gin-imprinta it ahensya.
Gin-insister man kara nga kinahang-ean nga mapuslan it mga estudyante ro andang oras samtang nagahueat nga makaangkon eon it bakuna kontra sa virus.
Sa pihak it pilang mga kakueangan sa sistema it DepEd kaangot sa bag-ong sueondanan it pagtinueor-an, nagapati man si Dela Cruz nga nagatinguha gihapon ro ahensya nga makatao it husto nga edukasyon sa mga pamatan-on.
