KALIBO, Aklan—Suportado ni Aklan 1st District Congressman Carlito Marquez ro pagtukod it Boracay Island Development Authority ukon BIDA nga namitlang ni Pangueong Rodrigo Duterte sa anang ika-5 nga State of the Nation Address (SONA) ko Lunes.
Suno kana nga mayad nga balita ro nasambit nga proposisyon basta nga raya hay para sa kamaeayran it isla it Boracay.
Ginpahayag dugang nga dapat nga indi raya magasapaw sa function it lokal nga gobyerno it Malay.
Sa oras nga matukod ro BIDA, ginapasiguro kara ro proteksyon ag maintenance it mga proyekto ag programang naumpisahan it Boracay Inter-Agency Task Force ukon BIATF kamana man nga padayun ro pagpatuman it laye.
Nasayuran nga ro BIDA hay proposal it BIATF , kun sa siin, na-extend ro andang termino hasta sa Mayo 2021.
Kaibahan sa trabaho it Boracay Inter-Agency Rehabilitation Management Group ukon BIARMG hay ro pagdumaea sa implementasyon it rehabilitation projects ag mga aktibidades it BIATF.
