KALIBO, Aklan–Uman nga nagpangibabaw si incumbent Congressman Carlito Marquez sa pagka-kongresista sa unang distrito it probinsya it Aklan.
Raya hay kasunod it partial and unofficial nga resulta it botohan para sa May 9, 2022 national and local elections.
Eubos man ro pagpasaeamat ni Marquez sa mga tawo nga nagsuporta kana para mapadayun ro anang pagserbisyo publiko.
Pagagamiton sigon nana ro gintao kana nga kahigayunan para maabot ro anang handom nga mahaw-as sa kapobrehon ro mga pumueoyo.
Maabu pa sigon ro anang plano para sa kaumwarn it probinsya.
Samtang, ginpasiguro man kara nga tayuyon gihapon ro pagtao it pondo pang ospital ag financial assistance sa mga estudyante.
Nagaeaum sigon imaw nga eubusan nga maging laye ro ginaduso nanda sa kongreso angot sa waste energy bangud mabahoe raya nga bulig para masabat ro problema sa climate change.
Nasayuran nga raya eon ro ulihing termino ni Marquez.
