KALIBO, Aklan—Opisyal eun nga nagfile it anang Certificate of Candidacy (COC) si incumbent 2nd District congressman Teodorico “Nonong” Haresco sa idaeum it partidong ‘Tibyog Akean’.
Mga bandang alas 2:30 ro pang-orason kahapon kat nagpadueong sa gintaeana nga lugar para sa pagfile it COC it commission on election ukon comelec nga nahamtang sa ACC covered court si congressman Ted.
Samtang nasaksihan man it bombo news team ro bilog nga pwersa it partidong tibyog sa pihak nga nauna eun ro mga raya nga nakafile it andang COC ko petsa 6 it Oktobre.
Samtang, nagtipon-tipon man ro maabong mga taga-suporta it kongresista nga eubos nga ginkalipay ro anang naging desisyon sa pagfile it COC.
Sa interbyu it Bombo Radyo ginpahayag ni Haresco nga ro anang katuyuan sa pagpailihir it uman bilang kongresista hay agud nga maipadayun ro anang mga manami eun nga naumpisahang proyekto para sa mga Akeanon mas kapin sa segundo distrito it probinsiya.
Nagpromisa man raya nga padayun nga magabulig sa pubilko sa tunga it ginapangatubang nga pandemya.
Samtang maga-focus man sigon ro anang serbisyo sa pagtao it libreng pagpa-ospital, paeangitan-an para sa pomoeuyong akeanon, dugang nga imprastraktura ag edukasyon partikular eun kara ro pagtao it scholar sa mga estudyante.
