KALIBO, Aklan—Nagapati si Aklan 2nd district congressman Teodorico “Ted” Haresco nga ro death penalty ro makasolbar sa mga krimen nga may kaangtanann sa ginabawae nga droga.
Suno kay Cong. Haresco nga ro kahadlok sa penalidad nga bitay hay magaserbing paandam sa publiko.
Nagakabagay sigon nga mapenahan ro tanan nga mga mapamatud-an nga nagaduso ukon nagabaligya it droga mapa-pinoy man ukon dumueuong kaibahan ro andang mga protektor.
Gindugang pa it kongresista nga ro mga nakakahimo eamang it makangieidlis nga krimen hay ro mga nagagamit it droga.
Kabaton-kabaton eamang suno kana kon ro masentensiyahan it death penalty pinaagi sa lethal injection hay ro mga tawo nga gustong magsamad sa kabuhi it tawo eabi eon ro puturo it mga unga.
Kadungan kara, nagpanawagan imaw sa pamilya it mga drug users nga ipa-rehab ro mga raya agud nga indi eubusan nga ma-adik sa droga.
Ro pahayag ni Haresco hay kasunod it ginmitlang ni Pangueong Rodrigo Duterte sa anang ikalimang State of the Nation Address (SONA) nga gusto kara nga maibalik ro penalidad nga kamatayon para sa mga kasong may kaangtanan sa droga ag iba pang henious crime.
