Kalibo Aklan ——Padayun nga gina-engganyo ni Aklan ABC President Ciriaco Feliciano ro kapareho nga mga Barangay Officials nga hugut nga ipatuman ro mga tikang nga gintaeana it gobyerno agud nga matapna eon ro mas pang pagkalhit it coronavirus disease (COVID-19) sa nasyon .
Raya hay matapos ro ginpatuman nga Enhanced Community Quarantine ag travel restrictions sa bilog nga probinsiya it Aklan .
Pila sa mga tikang nga ginapatuman sa makaron hay ro social distancing, curfew ag stay-at-home order.
Angot kara, ginpasaeamatan ni Kapitan Feliciano ro mga Barangay Health Emergency Response Teams (BHERTs) , mga Barangay Tanods, Barangay Nutrition Scholars ag Barangay Health Workers bangud sa andang kooperasyon agud nga ma-contain, ma-control ag matapna ro COVID 19.
Sanda sigon ro maid-id nga naga-monitor sa mga naga-abot nga pasahero halin sa mga lugar ukon nasyon nga infected it virus ukon mga ginakabig nga PUIs ag PUMs.
