KALIBO, Aklan—Bukas eon ro Aklan Agri-Aqua Demonstration Farm and Training Center sa Brgy. Nalook, Kalibo.
Suno kay Engr. Alexis Apolonio it Office of the Provincial Agriculturist, makita sigon sa nasambit nga lugar ro mga green houses kun siin una ro mga lettuce, bell pepper, tomatoe ag iba pang high value crops.
Mag-eowas kara, makita man ro tilapia hatchery kun siin pwede makabae it fingerlings ro mga pumueoyo kamana man ro andang bag-ong bukas nga artificial insemination.
Dugang pa kara nga available eon ro mga manami nga kalidad it semen.
Ginpahayag ni Engr. Apolonio nga on going pa ro construction it andang mabahoe nga proyektong ginatawag nga Aklan Grains Processing Center.
Ro pasilidad suno kana hay may drying, milling ag warehousing facility.
Plano sigon it probinsya nga bak-eon ro ani it mga local farmers sa tuyo nga makabulig sa mga raya pinaagi sa pagbkae it andang paeay sa mahae nga haega.
Target sigon nanda sa katung-anan it Hunyo ag Setyembre hay ma-testingan eon ro pasilidad ag sa buean it Oktobre ipatigayun ro aktwal nga operasyon kara.
Sa pihak kara, nagapadayun man ro construction it bag-ong training center ag dormitory.
