KALIBO, Aklan—Ginkasubo ni Aklan board member Nemesio Neron ro pagkamatay it ap-at nga soldado matapos barilon it mga tawuhan it Jolo Municipal Police station ko adlaw it Lunes it hapon sa atubang it Jolo Central Fire Station sa Barangay Walled City, Jolo, Sulu.
Suno kay Neron, posibleng may diperensya sa linyada it pulis rason nga natabo ro nasambitang insidente.
Indi sigon kara eubos maisip nga napatay pa ro mga soldado sa pihak nga nagpakilaea ro mga raya sa mga pulis.
Nauna eon nga ginpahayag it militar nga ro ap-at nha miyembro it military intelligence unit hay nagapatigayon it operasyon kontra sa mga suspected terrorist bombers kat matabo ro insidente.
Nagpanindugan man ro Armed Forces of the Philippines (AFP) nga uwa it natabo nga engkwentro ukon baeayluhan it eopok bangud nga uwa it bitbit nga baril ro ap-at nga soldado.
Nauna eon nga ginhambae ni AFP Spokesperson MGen. Edgard Arevalo nga ginhungod nga patyon it mga pulis ro ap-at nga intelligence operatives.
