KALIBO, Aklan—Ginklaru it Commission on Elections ukon Comelec-Aklan nga bukon it kaibahan ro probinsiya sa mga lugar nga may ginapatuman nga extension it oras para sa voter registration.
Suno kay Atty. Roberto Salazar, Provincial Comelec Supervisor nga nagapabilin sa dating schedule ro voter registration sa Aklan nga Lunes hasta it Biyernes umpisa alas-8 it agahon hasta alas-5 it hapon.
Makaangkon man sigon it voter registration sa ulihing adlaw it pagpa-rehisto nga October 30, 2021, sabado nga adlaw.
Sa pihak nga parte, gindugang pa ni Atty. Salazar nga kabaliskaran sa mga eksena sa ibang lugar nga mahaba ro pila, gina-eangaw ukon pila eamang ro naga-agto sa mga taeatapan it Comelec umpisa nga nakaangkon it extension ro pagpa-rehistro ko Oktubre 11 nga nag abot sa kabilugan nga 2,800 kun sa siin kaabuan hay mga gustong mag transfer it andang registration records.
Base sa record ro daily average registration rate sa kada banwa hay masyadong manaba nga naga-abot sa 9 hasta 30 nga katawo rason nga indi eon kinahangean nga ma-extend ro oras .
Ro mga banwa sigon nga nakalista it maabu sa gihapon nga nagapa-rehistrro hay ro Kalibo ag Malay.
Ro mga application sigon hay nakataeana pa nga paga-usisaon it election registration board antes eubusan nga maaprubahan.
Ginhalimbawa kara sa banwa it malay nga may sangka indibidwal nga nag-kwestiyon sa application it 772 nga nag-file it registration ag transfer hasta ko October 14 kamana man nga may nailista sa banwa it Makato.
