KALIBO, Aklan – – – Suportado ni Aklan Cong. Carlito Marquez ro pagbilog it Boracay Development Authority (BDA) nga magatutok sa pagdumaea it turismo ag mga problema sa isla it Boracay.
Nauna eon nga gintalakay sa on site inquiry it Kongreso sa isla sa pagpanguna it Congressional Committee on Environment and Natural Resources ro status it ginapatigayong rehabilitation efforts sa isla.
Nasayuran nga daywang dag-on eamang ro bisa it ginbilog nga Boracay Inter-Agency Task Force rason nga kinahang-ean ro BDA agud inde mauyang ro naumpisahang rehabilitasyon.
Samtang, nagakadapat eamang suno sa kongresisita nga mag-double time bangud nagaguwa sigon sa laboratory analysis nga inde pa ma-qualify ro water sampling halin sa baybayon sa standard it DENR.
Naga-eaum man si Marquez nga maabot ro ginta-o nga 6-months timeline para sa rehabilitasyon it isla agud uman eon raya nga mabuksan sa turismo.
