Una sa maayos nga sitwasyon ro mga delegado it Aklan sa Palarong Pambansa 2025.
Suno kay Charlie Ureta, sports division officer it DepEd-Aklan, nga mageuwas sa masakit sa panit nga init sa Ilocos Norte, uwa eon sanda it iba pang naproblema ag maayos ro andang kahimtangan sa lugar.
Bangud sigon sa kainiton it panyempo, ro ibang hampang hay gin-halin it schedule nga alas 3-8 pm.
Madumduman nga nag-umpisa ro Palarong Pambansa 2025 ku Mayo 24, apang nag-umpisa sigon ro mga hampang ku Mayo 26.
Sa tatlong adlaw nga hampang, nakaangkon sigon ro mga delegado it Aklan it 6 ka medalya sa ulihing huyap, ala-una it hapon, kahapon nga adlaw it Myerkules.
Ap-at sigon nga gold nga tatlo ro maghalin sa pencak silat nga sports ag sambato sa taekwondo.
Sa silver mat’a hay tig-sambilog sa sports nga swimming ag pencak. Para mat-ana sa paragames, nakuhit ni Hilario ro Bronze medal.
Nagapangamuyo man si Ureta nga kabay nga sa ktapusan sigon it mga hampang hay ma-angkon it mge Aklanon delegates.
