KALIBO, Aklan–Plantsado eon ro mga aktibidad it bag-ong tukod nga Aklan Fashion Designers Guild (AFDG) hasta it Disyembre makaron nga dag-on.
Suno kay Phats Dela Cruz Tambong, Presidente it AFDG nga nakalinyada eon ro andang mga aktibidad sa nagkaeain-eain nga events eabi pa ag nagahilapit eon ro Kalibo Sr. Sto. Niño Ati-atihan Festival 2023.
Nasayuran nga nagpatigayun it Oath Taking ceremony ro organisasyon sa lokal nga gobyerno it Kalibo ko nagtaliwan nga dominggo.
Raya hay bilang pormal nga pagkilaea sa andang grupo.
Agresibo sigon sanda sa pag-abot it handom nga makaangkon it kaugalingon nga organisasyon it mga fashion designer sa probinsya para mabuligan ro iba pang Aklanon nga mahasa ro andang talent ag makilaea sa fashion world.
Ro Aklan Fashion Designers Guild hay gintukod ko 2018 kung siin ko 2019 hay nag-organisa sanda it “Eambong fashin show” sa bulig it Provincial Government ag Aklan Tourism Office.
Samtang, sa buean it Disyembre may nakataeana man sanda nga oath taking kaibahan si Governor Joen Miraflores.
