Ginkalipay ni Aklan first district Congressman Carlito Marquez ro pagbawi it mga kongresista nga proponent sa uman nga pagbuhi it Boracay Island Authority Development Authority ukon BIDA Bill.
Ginklaro ni Marquez nga mismong si Aklan second district Congressman Teodorico Haresco ro nag-istorya sa principal author it hagna nga si Congressman Luis Raymund “Lray” Villafuerte it 2nd district it Camarines Sur nga haeos tanan nga opisyales it Aklan hay naga-oponer sa uman nga pagbuhi sa proposisyon nga ipaidaeom ro isla it Boracay sa control it national government kon siin ana man sigon raya nga ginkumpurmihan pinaagi man sa pagpaabot it mga sintimyento it tanan nga Aklanon.
Aminado si Marquez ag kumpurmi raya nga naging masakit sa baeatyagon ro naging tikang it sangguniang panlalawigan it Aklan nga gindeklarang persona non grata ro nasambit nga mga kongresista pinaagi man sa resolusyon nga andang ginduso maskin nga ginbawi eon ro hagna.
Ginpahayag dugang ni Marquez nga uwa sanda kasayod ni Haresco nga may plano ro SP nga ideklarang persona non grata ro mga kongresista nga uwa it konsultasyon kanda nga daywa.
