KALIBO, AKLAN — Ginapapahaom eon ro pumueoyo sa Aklan sa ginakahawagang “Big One”.
Suno kay Galo Ibardolaza, executive officer it Provincial Disaster Risk Reduction and Management Office (MDRRMO)-Aklan nga mabahoe ro posibilidad nga tumama ro mabaskog nga linog sa oras nga maghueag ro West Panay Fault.
Maeapit eamang sigon raya sa boundary it Aklan ag Antique, Iloilo ag Capizhasta sa Aniniway, Antique.
Nasayuran nga ro Kalibo hay 23 kilometro eamang ro kaeayuon sa nasambitang fault.
Ginpahayag dugang ni Ibardolaza nga uwa it nakasayod kon san-o matabo ro “Big One” kon sa siin bukon raya it kapareho sa bagyo nga may forecast.
Nasayuran nga gin-uyog it mabaskog nga linog ro Aklan ko 1990 nga ginkasamad it Kalibo Cathedral ag simbahan sa Libacao.
