KALIBO, Aklan—Umpisa kahapon nga adlaw it lunes, Nobyembre 1 hay ginpaidaeum eun sa alert level 2 ro probinsya it Aklan hasta sa Nobyembre 14 it presenteng dag-on.
Suno kay Ibajay Mayor ag League of the Municipalities of the Philippines (LMP)-Aklan Chapter President Jo-en Miraflores nga raya hay sandig sa ginpaguwa nga pagsinoeundan it national inter-agency task force on COVID-19.
Base sa pagsinueondan it IATF, ro mga negosyo hay ginapasugtan nga magbukas sa hasta 50 porsiyento it andang kapasidad kung raya hay indoor samtang 70% man sa outdoor basta fully vaccinated ro mga empleyado kontra COVID-19
Pagapasugtan man ro mga tawo nga makaguwa sa alert level 2, mag-euwas sa mga may restrictions sa edad ag comorbidities nga puweding i-determina it mga LGU.
Pwede man ro mga individual outdoor exercise sa Alert Level 2, anuman ro edad, comorbidities ukon vaccination status it sangka tawo.
Magapabilin man ro operasyon it mga ahensya it gobyerno nga may 50% on-site working capacity ag work-from-home arrangements.
