KALIBO, Aklan—Gintumod it Department of Health (DOH)-6 ro probinsiya it aklan bilang high risk area sa COVID-19 bangud sa nailistang mataas nga average daily attack rates ukon (ADAR).
Nasayuran nga ro Aklan eon lang makaron sa western visayas ro nabutang sa high risk classification sa sueod it daywang domingo ukon umpisa hulyo 5 hasta 18.
Ro presenteng ADAR it aklan hay 13.83 percent, mas mataas sa 12.98% umpisa hunyo 21 hasta hulyo 4; samtang ro anang pinaka-ulihi nga “two-week growth rate” hay 7 percent kontra sa nagtaliwan nga daywang domingo nga 12.01 percent.
Suno sa DOH nga raya hay nagakahueugan nga ro aklan hay nakalista it ADAR nga mas mataas sa 7 cases per 100,000 population rason nga gin klasipika bilang high risk areas.
Apang ro andang health care utilization rate (HCUR) hay manaba sa 45.83 percent.
Sa pihak nga parte, ro Iloilo city hay na-classify eon bilang moderate risk samtang ro probinsiya it Iloilo hay low risk.
Apang ro andang hospital bed occupancy hay mataas nga nailista sa 76.14 percent ag ro ADAR hay 17.93 percent umpisa July 5 hasta July 18, mas manaba sa 19.08 percent umpisa June 21 hasta July 4.
Sa pihak nga parte, ro probinsiya it Iloilo hay na-classify bilang low risk sa pag angkon it ADAR nga 6.03 percent sa nagtaliwan nga 2 domingo kumpara sa 7.30 percent sa nagtaliwan nga daywang domingo samtang ro HCUR hay moderate risk sa 62.17 percent.
Sa pangkabilugan ro Western Visayas hay natumod makaron bilang low risk.
Angot kara, ro iba pang probinsiya it Capiz, Guimaras, ag Negros Occidental hay na classify sa low risk samtang ro Bacolod City ag Antique hay moderate risk.
