-- ADVERTISEMENT --
KALIBO, Aklan–Plano makaron ni Aklan Governor Joen Miraflores nga matutukan ro health system sa bilog nga probinsya.
Sa unang adlaw it anang pagpungko sa pwesto hay insigida imaw nga nagpatawag it meeting kaibahan ro Provincial Inter-Agency Task Force ag Provincial Health Board.
Tuyo kara nga usisaon ro sitwasyon it COVID-19 ag ro nagatinaas nga kaso it dengue sa pilang kabanwahanan.
Nasayuran nga 300 porsyento ro gintaas it dengue cases sa Aklan makaron nga dag-on kumpara ko 2021.
