KALIBO, Aklan—Gintawag nga ‘fake news’ ni Aklan Governor Florencio Miraflores ro nagakalhit nga balita may kaangtanan sa gina-alegar nga pag-dismiss it Ombudsman kana.
Raya hay angot sa kaso nanda it anang asawang si dating Ibajay mayor Ma. Lourdes bangud sa ginasugid nga unexplained wealth nga nagabalor it P5.32 million pesos.
Suno kana nga ro nasambit nga desisyon it Ombudsman hay ginpabasura it Court of Appeals kato pang 2016 bangud sa kawad-an it mabakod nga ebidensiya rason nga ginbasura ro kasong administratibo nga serious dishonesty ag grave misconduct.
Maskin suno kana ro anang kaso sa sandiganbayan hay natigayon eon nga ma-dismiss with finality.
Nagapati ro gobernador nga may eamod pamulitika sa uman nga pagbuhi sa nasambit nga isyu.
Bangud kara, plano nana nga maghimo it nagakaigo nga aksyon kontra sa pilang indibidwal nga nagasamad sa anang pagkatawo.
