KALIBO, Aklan–Pormal eun nga gin-anunsiyo ni Aklan Governor Florencio Miraflores ro anang pag-retiro sa pulitika ko adlaw it Sabado, Oktobre 2.
Sa sangka pahayag, ginpaabot ni Miraflores ro anang pagpasaeamat sa 35 anyos nga pagpanerbisyo sa probinsiya.
Gindugang pa kara nga magaretiro imaw nga undefeated ukon owa nakaagi it kapiyerdihan.
Kasunod kara anang ginpresentar ro mga kandidato it partidong “Tibyog Akean” kun sa siin imaw man mismo ro nagadumaea.
Sa idaeum it andang partido, magapailihir bilang Congressman it 1st district it probinsiya si incumbent congressman Carlito Marquez ag incumbent congressman Teodorico “nonong” Haresco man para sa 2nd District.
Magapailihir man bilang Gobernador si Ibajay mayor ag LMP-Aklan president Jo-en Miraflores.
Sa Sangguniang Panlalawigan it eastern side hay una man ro panganean nanday Ampod Neron, Mike Quimpo, Marc Ace Bautista , Boy Teddy Tupas ag Apple Cleope.
Samtang sa western side hay una sa idaeum it partido sanday Jojo Cordova, Nonong Dalisay, incumbent SP member Jay Tejada , Jupiter Gallenero, ag Larry Solidum.
