KALIBO, Aklan—Nakataeanang makipagpueong hin-aga nga adlaw it sabado sa isla it Boracay si Aklan Governor Florencio Miraflores sa mga lokal nga opisyal ag mga tourism establishments agud nga iplastar ro anang proposisyon nga duea-on eon ro requirements nga pagbo-oe it negatibong resulta it RT-PCT test it mga turistang magahalin sa western visayas nga gustong magbakasyon sa Boracay.
Suno kana nga mabahoe nga kawad-an ro mga turista maghalin sa iba pang parte it Region 6.
Kon anuman ro makasugtanann sa pueong hay igapadaea nanda ro andang rekomendasyon sa department of tourism.
Nauna eon sigon nga nag apela ro mga stakeholders kana angot sa pagduea sa swab test requirements bangud nga ro mga local tourist halin sa western visayas ro andang ginaeauman nga makadugang sa tourist arrival sa atubang it covid 19 pandemic.
Samtang, gusto man it gobernador nga magpa-rehostro ro tanan nga mga tourism establishments sa isla sa provincial QR code system nga mabahoe nga bulig sa contact tracing.
Suno kana nga kinahangean nga haum ro probinsiya engkaso nga pasugtan nga indi man iga-require ro mga taga-NCR nga magbakasyon sa isla sa oras nga ipaidaeum ro andang lugar sa MGCQ.
