Kalibo Aklan ———Pabor si Aklan Governor Florencio Miraflores sa daywang domingo nga pag-suspendi sa pagpa-uli sa pilang mga Locally Stranded Individual (LSI) sa andang natungdan nga probinsiya sa tuyo nga matapna ro pagkalhit it COVID-19 partikular sa Negros Occidental , Iloilo ag Region 8.
Suno kana nga ro Bacolod ag Iloilo hay ro nagapangunang pantalan sa Western Visayas nga nagabaton it mga LSIs.
Ginpahayag dugang ni Governor Miraflores nga ro nasambit nga tikang hay ro mayad nga pamaagi sa makaron agud nga matapos anay ro quarantine procedure sa mga naunang nag-uli nga mga LSIs antes nga uman nga magpasueod it panibag-o.
Kaeabanan sigon sa mga naga-uli nga LSIs hay nagiging positibo sa sakit .
Gusto man sigon it mga LGUs sa Western Visayas nga ro maga-uli nga mga LSI hay magpaidaeum anay sa Real-time Teverse transcription Polymerase Chain Reaction (RT-PCR) test agud nga makasigurado nga eowas sanda sa COVID infection .
Nasayuran nga sangka 23 anyos nga LSI halin sa Cebu ro bag-ong kaso it COVID-19 sa Aklan nga presenteng gina-monitor sa ligtas COVID center it LGU-Kalibo .
Apang ginduea man it gobernador ro pagkabaeaka it publiko bangud nga mag-eowas nga asymptomatic hay manaba man ro chansang maka-infect ro pasyante bangud nga tapos eon ro anang 14 diyas nga quarantine period sa anang boarding house antes nga nag-abot ro resulta it anang swab test kamana man nga hugut raya nga nagsunod sa health protocols .
Kumpiyansa sigon sanda nga maga negatibo ro confirmatory result it anang RT-PCR test nga uman nga ginboe-an it specimen sample.
