Kalibo Aklan ———–Uman nga nagpagguwa it Executive Order (EO) si Aklan Governor Florencio Miraflores may kaangtanan sa pag-extend it ginapatuman nga Modified Enhanced Community Quarantine (MECQ) sandig sa ginkomendasyon it National Inter-agency Task Force.
Suno kay Ibajay Mayor ag League of the Municipalities of the Philippines (LMP-Aklan) Chapter President Joen Miraflores nagpatawag it pueong ro ama it probinsiya ko Lunes nga adlaw kaibahan ro tanan nga mga Municipal Mayors ag ro Provincial IATF.
Sambilog sa mga gintalakay hay ro pagpabilin sa mga naga-insister eun nga minimun health protocol samtang owa man it may matabong pagbag-o sa kung ano eun ro naunang nakabaehag sa EO.
Samtang nagaeaum man sigon si Miraflores nga makit-an it national IATF ro week by week performance it probinsiya ag ro mga ginahimo nga tikang agud nga makontrol ro “surge” it COVID-19.
Ginpabugae pa kara nga sa makarun hay padayun ro pagnaba it kaso it COVID-19 ag una eun lang sa moderate risk ro probinsiya.
Bangud kara, nagasalig sigon sanda nga ma-lift eun ro ginapatuman nga MECQ sa katapusan it buean.
