Kalibo Aklan ——–Uman nga nagpanawagan si Aklan Governor Florencio Miraflores sa mga pumueuyu nga padayun nga magbuylog sa mga ginapatuman nga tikang angot sa pagsukoe kontra coronavirus disease 2019.
Raya hay kasunod it anang ginpaguwa nga Executive Order 005-C series of 2021 nga nagatuyo nga mas pang instriktuhan ro implementasyon it health and safety protocol agud nga malikawan ro sigidas nga pagtinaas it kaso it COVID-19 sa bilog nga probinsiya.
Ginklaru it gobyerno nga raya hay owa nagakahueugan nga gina-lockdown ro probinsiya kundi nga ginalimitahan eamang ro paghueag it mga tawo.
Kamana man ro pagpadumdum nga padayunon ro pagsunod sa guidelines ag protocol kapareho it pag-disinfect, pagsuksok it face mask ag face shield ag pagsunod sa physical distancing angot sa naexperiensiyahan nga ‘new normal’.
Sa pihak nga parte, indi sigon malikawan ro posibleng pag angkon it resurgence rason nga dapat hay magabueuligan ro kada isaea agud nga mapadasig ro pagsukoe sa COVID-19.
Nag-apela man ro gobernador sa mga may sintomas it deadly virus nga insigidang magpa-check-up agud nga mabueong eagi ag indi eon mag-abu ro matapnan .
