KALIBO, AKLAN —– Kinumpirma ni Aklan Congressman Florencio MIraflores nga gin mandu it Office of the Ombudsman ro anang dismissal ag ku anang asawa nga si dating Mayor Lourdes Miraflores it banwa it Ibajay sa serbisyo.
Raya hay bangud sa kapaseawan sigon ku mga raya nga ideklara it tama ro andang assets nga naga balor it P12.18 million sa andang gin sumiteng statements of assets, liabilities and net worth (SALN) umpisa ku 2001 hasta ku 2009.
Sa pihak kara, insigidang nakapangayu it bulig si Miraflores sa Court of Appeals nga nagpagowa it temporary restraining order (TRO) agud ipa-untat anay ro dismissal order nga pirmado ni Ombudsman Conchita Carpio-Morales.
Nagpagowa ro CA it 60 diyas nga TRO nga nagpugong sa Department of Interior and Local Government (DILG) sa pagpatuman sa desisyon it Ombudsman.
Gin pamilit ni Miraflores nga owa sanda it gina himong maeain ag owa it gina tagong manggad.
