KALIBO, Aklan—Haeos syento porsyento eon nga na-install ro mga ginakinahang-ean nga kagamitan sa Aklan Grains Processing Center nga nahamtang sa Brgy. Nalook, Kalibo.
Suno kay Salome David it Office of the Provincial Agriculturist nga haum eon tatlong ka mga dryer ag galingan kung siin ginahueat eon lang nanda nga matapos ro 3 phase nga pag-install it Aklan Electric Cooperative (Akelco).
Posible sigon nga makaumpisa eon sanda it pamakae it paeay sa buean it Disyembre ag ginaeauman nga maging fully operational eon ro pasilidad sa unang bahin it masunod nga dag-on.
Tuyo it proyekto nga mabuligan ro mga lokal nga mangunguma it probinsya pinaagi sa pagbakae it gina-ani nanda nga paeay sa mas mahae nga haega.
Ro eabtong sigon hay posibleng mabakae sa balor nga P14 samtang ro uga ukon dry nga paeay hay pagabak-eon it P17.
Ro Aklan Grains Processing Center sigon hay kaparte it Agri-aqua farm nga proyekto it gobyerno probinsyal.
