KALIBO, Aklan — Bukon it pabor ro gobernador it Aklan sa pagpatindog it daywang kilometrong tulay nga magakonekta sa isla it Boracay paagto sa mainland Malay.
Suno kay Governor Florencio Miraflores, ginpaabot eon nana sa pueong it Boracay Inter-Agency Task Force ro owa pagpasugot sa proyekto nga ginsuhestiyon it San Miguel Corporation.
Sa tan-aw sigon nana hay maduea ro kanami it isla kon makaangkon it tulay.
Sa baylu, gusto sigon nana nga magpatindog it Integrated Port Terminal nga may kompletong pasilidad ag maka-accommodate it mga pasahero it cruise ship.
Kaibahan kara ro pag-ayos it pantalan nga pagahimuon nga all-weather ports nga pwedeng madungkaan it mga motorbanca ag fast crafts maskin nga habagat season nga 24/7 ro operasyon.
Samtang, plano man it provincial government nga ayuson ro 6,000 square-meter nga lugar kaiping it wetland no. 6 para sa mga vendors ag mga masahista.
