Kalibo Aklan ————Bangud sa pagtinaas it kaso it COVID-19, gin-eakip ro Aklan sa mga ginpaidaeum sa Alert Level 3 umpisa hin-aga nga adlaw it Biyernes.
Suno kay Dr. Cornelio “Bong” Cuatchon, Jr. it Provincial Health Office (PHO-Aklan) nga base sa andang monitoring, ko nagtaliwan nga Enero 7 hay una eon kita sa Alert Level 3 bangud sa pagtaas it two-week growth rate nga masobra sa 4,600% .
Mag-eowas kara, nagtaas man ro average daily attack rate ukon ADAR sa 3.9% kumpara sa dating 3 to 4 weeks nga point 08% (.08%) eamang .
Sa pihak kara, nagapabilin nga manaba ro health care utilization nga 16.18% .// nag-umpisa suno kana nga sumikad ro kaso it deadly virus sa probinsiya ko Enero 5 .
Sa pihak nga parte , aminado si Dr. Cutachon nga ro mga prohibition sa ginpaguwa nga Executive Order No. 001 series of 2022 ni Aklan Governor Florencio Miraflores kat ginpaidaeum ro Aklan sa Alert Level 2 hay base eot-a sa Alert Level 3 .
Sa pihak kara, kinahangean sigon nga maghueat kon makaangkon kara it amendments ro gobernador .
Sa makaron hay nagapabilin nga epektibo suno kana ro mandu nga “no vaccination, no entry” sa tanan nga mga provincial government offices.
Apang nakadepende ro pagpatuman kara sa iba pang mga establisimento.
Bawae man ro pagguwa it mga unga nga naga-edad it 12 anyos panaba.
