KALIBO, Aklan—Nagpahayag it interest ro Aklan provincial government nga maghost it Palarong Pambansa 2028.
Angot kara, ginpahayag ni Aklan governor Jose Enrique Miraflores nga ginapahauman eon nanda ro nakataeana nga pagpasakop sa bidding it mga probinsya nga maga-host it mabahoe nga sporting events.
Suno kana, base sa assessment it nagkaeain-eain nga ahensya it gobyerno ag maging it Department of Education ukon DepEd, may ikasukoe ro Aklan pag-abot sa venue it mga sporting events kon sa siin sangkiri eon lang sigon ro ayuson sa mga pasilidad.
Sa kamatuoran suno sa gobernador, sa ginpatigayon nga signing of Memorandum of Agreement para sa implementasyon it construction it mga school building projects sa Aklan kaibahan si DepEd Secretary Sonny Angara, naipaabot eon sigon nana ro interest ag pagiging desidido nga maka-host it mabahoe nga sporting event sa dag-on 2028.
Ginpahayag dugang nga naidentified eon nanda ro mga billeting schools ag playing venues kaparehas it Aklan sports complex sa Calangcang, Makato nga sigidas ro improvement sa makaron.
Engkaso nga mabuoe it Aklan ro tyansa, raya ro kauna-unahang paghost it probinsya it Palarong Pambansa nga suno sa gobernador hay may mabahoe nga benepesyo bukon eamang it sa mga tawo ukon atleta kundi sa mga negosyo.
Nasayuran nga ro ika-67th Palarong Pambansa 2027 hay igapatigayon sa Quezon City.
