KALIBO, Aklan — Uman nga ginkilaea sa ika-waeong kahigayunan bilang awardee it Search for Good Local Governance (SGLG) ro probinsiya it Aklan.
Kaibahan sa ginpasidunggan ro ap-at nga iba pang probinsiya sa Western Visayas nga ginaeakipan it Antique, Guimaras, Iloilo, ag Negros Occidental.
Ro Search for Good Local Governance (SGLG) hay ro ginakabig nga pinakataas nga pagkilaea ukon pagtau it pasidungog it Department of the Interior and Local Government (DILG) sa mga LGUs nga may mayad nga performance pinaagi sa pagtau it mayad nga serbisyo.
Raya hay pinaagi sa evaluation assessment ag on-site validation kun sa siin gintan-aw kun nagatrabaho ag compliant ro kada departamento sa mga governance areas nga ginaeakipan it Disaster Preparedness; Financial Administration; Health Compliance and Responsiveness; Social Protection and Sensitivity; Sustainable Education Business Friendliness and Competitiveness; Tourism Heritage Development and Culture, Youth Development ag Safety; Peace and Order ag iba pa.
Raya eon ro ika-waeong magkasunod nga dag-on nga nakabaton it nasambit nga award ro Aklan umpisa pa ko 2015.
Sa anang mensahe sa social media, ginpasaeamatan ni Aklan Governor Joen Miraflores ro kahugod nga ginpakita it mga empleyado it provincial government.
Kadungan kara, gin engganyo nana ro mga raya nga magbueuligan para pa guid sa ikamayad it probinsya ag mga Akeanon.
