KALIBO, Aklan — Nagpangayu it bulig si Mayor James Solanoy it Nabas, Aklan sa sangka higanteng kompaniya agud masolusyonan ro andang problema sa basura.
Suno kay Mayor Solanoy nga may naka-pending imaw nga kaso sa Environmental Ombudsman.
Gin pasaka ro kaso ku 2016 bangud sigon sa pag eabag sa Republic Act 9003 ukon Ecological Solid Waste Management Act of 2000.
Gin paandaman eon sigon imaw it Environmental Ombudsman nga sususpindihon sa oras nga mapaseawan nga mausoyan it solusyon ro problema.
Gin pahayag dugang pa ni Solanoy nga owa sanda nakasayod kun siin maga bo-oe it pondo agud gastusan ro mga gina pangayung requirements sa idaeum it nasambitang kasuguan.
Bangud kara, nagpangayu imaw it bulig sa sangka kompaniya nga presenteng naga patukod it sangka international airport ag entertainment complex sa andang banwa apang, owa pa sigon raya it sabat sa andang proposal.
