KALIBO, Aklan—Ginaduso makarun it Aklan Medical Society ag College of Physicians (PCP) Aklan-Capiz chapter nga ipaidaeum sa Modified Enhanced Community Quarantine (MECQ) ukon Enhanced Community Quarantine (ECQ) ro probinsiya it Aklan bangud sa padayon nga pagtinaas it mga kaso it natapnan it coronavirus disease ukon COVID-19.
Dugang pa kara nga nagakabaeaka eun ro mga health expert sa pagtinaas man it numero it mga nagakamatay bangud sa deadly virus.
Samtang, gintaw-an pa kara it punto ro posibilidad nga magcollapse ro health care system bangud sa makarun hay haeos punuan eun ro mga covid ward.
Ginpasiguro man it Aklan medical society ag (PCP) Aklan-Capiz chapter nga padayun ro andang pakikipag-angot sa gobyerno probinsiyal agud nga mataw-an it positibo nga pagbag-o ro pakikipagsukoe it probinsiya sa ginapangatubang nga pandemya.
