KALIBO, Aklan—Nag-abot eon sa banwa it aklan ro 1,700 nga family food packs halin sa Department of Social Welfare and Development (DSWD) 6.
Ro nasambit nga mga food packs hay nakataeanang igapanupod sa mga pamilyang eubos nga naapektuhan matapos nga ipaidaeum ro aklan sa Modified Enhanced Community Quarantine (MECQ) hasta sa Agosto 15.
Samtang, ginaeuaman nga dugang nga 1,000 food packs man ro igapadaea makaron nga domingo sa probinsiya halin man sa nasambit nga ahensiya.
Ginatugyan sa mga lokal nga gobyerno ro pagtumod sa mga pamilyang mataw-an it ayuda.
Base sa listahan it DSWD 6 hasta ko Agosto 1, 2021, naga abot eon sa 36,327 family food packs ukon katumbas it P15,448,400 pesos ro napadaea sa Aklan umpisa nga magpanaeasa ro COVID-19 pandemic.
