KALIBO, Aklan — Pormal eon nga nagpungko ro bag-ong commanding officer it 12th Infantry Batallion, Philippine Army matapos ro turn-over of command maghalin sa pagpamuno ni Lt. Col. Vener Morga sa Camp Jizmundo sa Brgy. Libas, Banga, Aklan.
Si Lt. Col. Roderick Garcia ro bag-o makaron nga commanding officer it 12th IB nga nagserbeng commander it 79th IB it 3rd Infantry Division nga nakabase sa Tanjay, Negros Occidental sa sueod it daywang dag-un bago imaw eubusan nga gin saylu sa Aklan.
Imaw hay tubong Calamba, Laguna ag katapo it Philippine Military Academy (PMA) Class 1994.
Gin bayluhan ni Col. Garcia si Col. Morga nga nagserbe sa battalion it haeos an-umm nga buean.
Gin pasiguro ni Garcia sa anang mensahe nga naga pabiling insurgency-free ro Aklan.
Mag eowas kara, mas pa sigon nga pabaskugon kara ro basic military skills it mga miyembro it Civil Armed Forces Geographical Unit (CAFGU) kamana man ro kaayusan ag kalinungan sa probinsiya
Ro turn over of command hay gin pangunahan ni Brig. Gen. Francisco Delfin, assistant division commander it 3rd Infantry Division.
