KALIBO, Aklan—Nagapabilin nga una sa high risk area sa COVID-19 ro probinsiya it Aklan bangud sa nailistang mataas nga average daily attack rates ukon ADAR.
Raya ro ginpahayag ni Dr. Cornelio “Bong” Cuatchon, Jr. it Provincial Health Office ukon PHO-Aklan.
Suno kana nga sa nagtaliwan nga sang domingo hay owa naganaba sa 100 ro kaso kada adlaw rason nga ro Aklan eon lang makaron sa bilog nga Western Visayas ro nabutang sa high risk classification.
Sa pinaka-ulihi nga listahan it provincial epidemiology and surveillance unit it PHO-Aklan, nakalista eon man it panibag-ong record-breaking nga kaso it COVID-19 sa probinsiya sa sueod it sang adlaw nga nag abot sa 157.
Gindugang pa ni Dr. Cuatchon nga ro risk classification it Aklan base sa community quarantine decision matrix it Department of Health hay Modified Enhanced Community Quarantine ukon MECQ, apang bumawi man raya sa health care utilization rate (HCUR) nga manaba sa 37% rason nga nabutang sa low risk.
Sa makaron suno kana hay manaba ro hospital bed occupancy sa aklan bangud nga may mga available pa nga mga isolation beds.
Sa pihak kara, nakabatyag eon sigon it gaoy ro mga health care workers ag nagapangayo eon it time-out.
