Aklan, nagapabilin sa low risk category–PDRRMC

KALIBO, Aklan–Nagapabilin sa low risk category ro bilog nga probinsya it Aklan sa tunga it ginabantayan nga pagpanaeasa it bagyong Egay.

Raya hay base sa ginpagguwa nga datus it Provincial Disaster Risk Reduction and Management Council (PDRRMC)-Aklan.

Suno kay PDRRMC-Aklan Officer Galo Ibardolasa nga 24 oras sanda nga nagapatigayun it monitoring sa sitwasyon it mga kabanwahanan.

Owa man sigon it nakapasaka nga storm signal sa Aklan ag owa pa it nailistang pagtaas sa lebel it tubi ukon pagbaha.

Habagat sigon ro presenteng nakakaapekto sa Western Visayas.

Sa makaron, nagapabilin pa nga euwas sa paeag it kalamidad ro probinsya.