KALIBO, Aklan—Owa it pagbag-o sa mga guidelines ukon protocols nga ginapatuman it gobyerno probinsyal sa pihak it pagpabilin it probinsya it Aklan sa Modified General Commuity Quarantine (MGCQ).
Raya hay sandig man sa ginpagguwa nga datus it National Inter-Agency Task Force (IATF) ag ginpirmahan ni Pangueong Rodrigo Duterte.
Suno kay League of the Municipality of the Philippines ukon LMP-Aklan chapter president ag Ibajay Mayor Joen Miraflores, pareho gihapon ro mga sueondanan nga igapatuman.
Kaangot kara, padayun gihapon nga sundon ro mga health protocols kapareho it pagsuksok it facemask ag pag-obserba it physical distancing eabi eon kung una sa matawo ukon pampublikong lugar.
Agud nga malikawan ro posibleng pagkalhit it Coronavirus disease ukon COVID-19, ginpahayag dugang nga magapabilin man ro gina-implementar nga curfew sa bilog nga probinsya nga naga-umpisa it alas 9:00 it gabi-i hasta it alas 5:00 it aga-aga.
