Kalibo Aklan ———–Nagapabilin sa ‘moderate risk’ ukon alert level 3 ro bilog nga probinsiya it Aklan bangud sa padayun nga pagnaba it mga bag-ong kaso it COVID-19.
Apang suno kay Dr. Cornelio ‘bong’ Cuatchon Jr., it Provincial Health Office nga indi magpakampante bangud nga mataas sa gihapon ro positivity rate nga naga-abot sa 40 hasta 55% ag masobra sa 100 nga kaso ro nailista kada adlaw.
Raya hay nagapatimaan sigon nga may una nga local ukon community transmission it deadly virus.
Sa idaeum it alert level 3 hay “moderate-critical risk” ro sangka lugar at mas manaba sa 70% ro hospital occupancy.
Uman nga nagpanawagan si Dr. Cuatchon nga magpabilin sa sueod it baeay ag magsunod sa ginapatuman nga minimum health protocols.
Samtang, posible man suno kana nga status quo ro quarantine classifications sa Aklan pagkatapos it Agosto 15 ukon magapabilin sa Modified Enhanced Community Quarantine (MECQ).
