KALIBO, Aklan—Ginapaathag it Philippine Coconut Authority (PCA)-Aklan nga nagapadayun ro andang replanting program.
Suno kay Acting Senior Agriculturist Dionelo Ongga it PCA-Aklan nga tuyo kara nga masigurong indi magnaba ro populasyon it mga niyog sa bilog nga probinsya it Aklan.
Sa kamatuoran suno kana hay nagapanguna ro probinsya sa may pinakamaabo nga niyog sa bilog nga Western Visayas.
Apang, ko mga nagtaliwan nga dag-on natueopangdan sigon nanda nga amat-amat nga naga-naba ro numero it niyog sa Aklan.
Sambilog sigon sa mga posibleng rason kara hay ro illegal nga pagpamtuoe it puno it niyog para himuon nga coco lumber.
Ginklaro man kara nga owa ginabawaean ro pagputoe it niyog apang ginakinahang-ean sigon nga magbuoe anay it nagakaigo nga permit halin sa andang opisina agud mapasugtan raya.
Dapat sigon nga masyuran natun ro importansya it niyog nga ginakabig nga “tree of life” sa atun nga kabuhi.
Sa makaron hay ginatinguhaan man it ahensya nga ma-umpisahan ro iba pang proyekto sa probinsya.
