KALIBO, Aklan—Bangud sa ginpatigayon nga preventive maintenance it National Grid Corporation of the Philippines sa andang 138 kV Panit-an to Nabas transmission lines rason nga naka-experiensiya makaron nga adlaw it sabado it maeawigan nga power interruption sa haeos bilog nga probinsiya it Aklan.
Raya ro ginpahayag ni Michelle Visera, tagapaghambae it NGCP.
Kadungan kara, nagpatigayon man ro akelco it ride-on activities sa pilang mga lugar partikular ro paglimpyo it andang mga linya ag pagbaylo it mga poste.
Ginpaathag dugang ni Visera tuyo it ginapatigayon nga sunud-sunod nga preventine maintenance sa panit-an to nabas nanda nga linya hay agud nga maayos ro mga nagkaeatumba nga towers sa pagpanaeasa it bagyong ursula.
Halin sigon sa temporary hay ginasaylo eon raya makaron sa permanent structures.
Agud nga malikawan ro mga insidente nga posibleng matabu ag para sa kaeowasan it andang mga line crew, ginakasa man ro serye it mga power interruptions samtang ginapatigayon ro andang trabaho.
