KALIBO, Aklan—Sa pihak nga ginpaidaeum ro Aklan sa Modified Enhanced Community Quarantine ukon MECQ, nakabutang gihapon ro aklan sa alert level 3, ikaywa sa pinakamataas nga lebel.
Ginpaathag ni Dr. Cornelio Cuatchon Jr., it Provincial Health Office ukon PHO-Aklan nga ro buot hambaeon it alert level 3 hay “moderate-critical risk” ag mas manaba sa 70% ro hospital occupancy.
Suno kana nga padayun ro pagtinaas it kaso it COVID 19 ag ‘occupancy rate’ sa mga ospital it probinsiya.
Nagapabilin sigon nga una sa high risk area ro aklan bangud sa mataas nga positivity rate nga naga abot sa 40 to 50% kamana man ro healthcare utilization rate nga umabot eon sa haeos 70%
Gindugang pa ni Dr. Cuatchon nga maabu pa ro mga pending results kasunod it sigidas nga pagsumite it swab specimen it kada local government units.
Ro alert level sigon ro magiging giya it nasyunal ag mga lokal nga gobyerno sa klase it aksyon nga andang igapatuman kontra sa COVID-19.
Sa pihak nga parte, gindugang pa ni Dr. Cuatchon nga padayun sanda nga nagahueat it resulta it genome sequencing sa 51 nga specimen samples nga ginpadaea it department of health ukon DOH region 6 sa Philippine Genome Center ko Agosto 4, 2021.
