KALIBO, Aklan—Kapin sa 16 ro nailistang panibag-ong nagmayad matapos nga ginpaidaeom sa pagbueong ag quarantine protocol matapos nga tinamaan it coronavirus disease ukon covid-19 sa probinsya it Aklan.
Sa ginpaguwang datos it Aklan Provincial Epidemiology Surveillance Unit it Aklan Provincial Health Office, sa nasambit nga numero, ap-at ro taga banwa it Banga; waeo ro taga-Kalibo ag ap-at man halin sa banwa it Malay.
Bangud kara, nagaabot eon sa 559 ro totally nga nakarekober halin sa nasambit nga sakit.
Samtang, uwa man it naidugang sa listahan it mga kumpirmadong kaso nga tinamaan it deadly virus rason nga ro kabilugang numero kara makaron hay kapin sa 623.
Sa nasambit nga numero, 42 ro aktibo nga kaso nga ginakaeakipan it 39 nga una sa facility quarantine ag 3 ro nakaadmit.
Samtang, nagapabilin sa 21 ro kabilugang namatay bangud sa nasambit sa nga deadly virus
