KALIBO, Aklan—Nakalista it 21 nga mga kaso it Delta variant it COVID-19 ro probinsya it Aklan.
Raya hay base sa ginpagguwa nga datus it Aklan Provincial Health Office kung siin limang kaso it Delta variant ro na-detect sa banwa it Kalibo, tatlo sa Numancia, tig daywa sa Banga, Ibajay, New Washington, Malinao ag Madalag sambilog tig sambilog nga kaso ro halin sa Nabas, Tangalan ag Makato.
Sa nasambit nga numero, 20 eon sa mga raya ro eubusang nagmayad samtang sambilog ro namatay.
Ro Delta variant hay ginakabig nga mas makataeapon ag makamaeatay nga variant it COVID-19 nga unang na-detect sa India.
Bangud kara, hugut nga ginapadumduman it health authorities ro publiko nga magdoble dahan ag padayun nga magsunod sa ginapatuman nga health and safety protocols agud makalikaw sa deadly virus.
