KALIBO, Aklan–Nakalista ro Aklan Provincial Epidemiology and Surveillance Unit (PESU) it 70 ka mga kaso it dengue umpisa Enero 1 hasta 29, 2023.
Suno kay J-Lorenz Dionisio, Nurse III it Provincial Health Office nga mas mataas raya kung igakumpara sa mga nailistang kaso sa kaparehong period ko nagtaliwan nga dag-on.
Ro banwa it Ibajay ro nakalista it pinakamataas nga kaso nga naga-abot sa 25, Nabas hay 11, waeo sa Kalibo ag tig limang kaso sa Libacao ag New Washington.
Kaeabanan sigon sa mga tinamaan it dengue hay mga unga nga naga-edad napueong dag-on panaba.
Gin-engganyo man kara ro mga ginikanan nga insigidang ipa-check up ro pasyente engkaso nga makitaan eon it pilang sintomas it sakit kapareho it pabalik-balik nga eagnat ag rashes sa eawas.
Indi eon sigon paghueaton pa nga mag-grabe ro kondisyon antes mag-adto sa doktor ukon ospital.
