KALIBO,Aklan—Nakalista it daywang panibag-ong kaso it Coronavirus Disease 2019 ukon COVID-19 ro probinsya it Aklan, kahapon, Enero 12.
Bangud kara, humampak eon sa 505 ro kabilugan nga kaso it deadly virus sa probinsya.
Sa nasambit nga numero 431 eon ro naka-recover samtang 56 pa ro aktibong kaso kung siin, 49 kara ro naka-facility quarantined, an-om ro admitted sa Aklan Provincial Hospital ag sambilog nga naka-home quarantined.
Samtang, 18 ro binawian it kabuhi.
May kaangtanan kara, padayun ro pag-apela it mga health authorities sa publiko nga likawan ro pagpilinanaw ag magpabilin eon lang sa baeay kung owa man it importanteng transaksyon
Ag kun naga-adto sa matawong lugar kapareho it mall ag tindahan hay dapat magsuksok gid it face mask ag face shield kaman man nga striktong mag-obserba it physical distancing para makalikaw sa virus.
