KALIBO, Aklan—Nakalista it siyam nga fireworks related injuries ukon mga naninahan bangud sa paeupok sa pagsug-aeaw sa Bag-ong Dag-on.
Raya hay base sa initial assessment it Department of Health ukon DOH-Aklan ag Aklan Police Provincial Office ukon APPO sa idaeum it ligtas paskuhan 2022.
Suno kay P/Corporal Leonilyn Artes, tagapaghambae it APPO nga kabay suno kana nga indi eon madugangan ro nasambit nga numero bangud nga ro paglista it mga nabiktima it paeupok hay hasta pa sa Enero 7, 2023.
Mas manaba sigon raya kumpara sa nailista ko 2022.
Sa nasambit nga numero, daywa ro naghalin sa Numancia ag New Washington, ag tig-sambilog ro naghalin sa Ibajay, Kalibo, Balete, Altavas ag Batan.
Samtang, sa spot inspection it APPO kabulig ro Bureau of Fire Protection ag iba pang natungdan nga ahensiya it gobyerno ko Disyembre 31, may pilang mga nakumpiska nga illegal firecrackers nga ginaeakipan it 750 pcs. it 5-star sa banwa it Banga; may narekober man nga gin abandona nga mga nagkaeain-eain nga paeupok ag pyrotechniques sa kilid it karsada sa isla it Boracay.
Madumduman nga may naga eksister nga ordinansa nga hugut nga ginabawae ro paeupok sa isla.
Ginkalipay man it APPO nga owa it nailistang biktima it stray bullet ukon nagtaeang nga bala.
Pangkabilugan nga naging matawhay ro selebrasyon it New Year matapos nga owa it nailistang mga major incidents.
