KALIBO, Aklan—Ginpaabot it Philippine Statistics Authority ukon PSA nga napabilin it probinsiya it Aklan ro madasig nga pag-umwad it ekonomiya.
Suno kay Mr. Peter Mangilog, Senior Statistical Specialist it PSA Aklan nga ro probinsiya hay naglista it mabahoe nga pagtaas sa gross domestic product ukon GDP nga 9.5% ko 2023.
Ro Aklan hay nakalista sigon it pinakamataas nga pag-umwad ko 2022 nga nag-abot sa 22.5% pagkatapos it pagpanaeasa it pandemya.
Ro pagsaka it GDP it Aklan hay katumbas it P69.61 bilyon.
Raya sigon ro mga goods and services nga gin-produce sa probinsiya.
Ro nagapangunang industriya sigon nga nagpahueag sa ekonomiya it Aklan hay ginaeakipan it wholesale and retail trade, repair of motor vehicles ag motorcycles nga may 22.3%.
Raya hay ginsundan it transportation and storage nga may 18.1% ag agriculture, forestry and fishing nga may una nga 11.1% share kun sa siin nataeupangdan ro pagbagsak it agrikultura .
Mag-eowas kara, nagtaas man sa 58.9% ro accommodation and food service activities kun sa siin naka-contribute kara ro mga hotels and resorts sa Isla it Boracay ag banwa it Kalibo; 48.8% ro other services kapareho it mga salon, spa ag iba pa; 23.2% sa construction ag 14% sa electricity, steam, water and waste management.
Samtang, ginpahayag ni Mangilog nga ro pagsaka it ekonomiya hay nagakahueugan it pagtaas it available nga trabaho nga pwedeng masudlan it mga pumueuyu .
