Kalibo Aklan ————Preparado eun ro Department of Education (DepEd-Aklan) engkasong igapatigayon ro face-to-face classes sa mga eskwelahan sa probinsiya it Aklan.
Sa pihak kara, ginpahayag ni Dr. Miguel “Mac” Apusin , Schools Division Superintendent it DepEd-Aklan nga base sa gin-aprubahan ni Pangueong Rodrigo Roa Duterte nga ro pagpatigayon it limitadong face-to-face classes hay para eamang sa mga lugar nga may unang ‘minimal risk’ it COVID-19.
May kaangtanan kara, may una eamang sigon nga 300 ka mga pampublikong eskwelahan ag pilang ka mga pribadong eskwelahan ro ginpasugtan nga magpatigayon it face-to-face classes.
Ginklaro pa kara nga owa iya nakaibahan ro Aklan rason nga magapadayun anay ro ginapatuman nga blended learning.
Apang sa makarun hay owa pa it ensaktong petsa kung san-o maga-umpisa ro face-to-face classes apang maga-eatag pa it nagakaigo nga pagsinoeundan ro Inter-Agency Task Force (IATF), Department of Health (DOH) ag DepEd .
