KALIBO, Aklan — Nagapabilin nga negatibo ro probinsiya it Aklan sa red tide toxins.
Raya ro ginklaru ni Rico Magno, Aquaculturist II it Bureau of Fisheries and Aquatic Resources ukon BFAR-Aklan kasunod it pag-positibo it ap-at nga probinsiya sa red tide nga ginaeakipan it Dauis ag Tagbilaran City sa Bohol, Cancabato Bay, sa Tacloban City, Leyte; Puerto Princesa Bay, Puerto Princesa City sa Palawan, Irong-irong, San Pedro ag Silanga sa Western Samar.
Pinaka-ulihi sigon nga tinamaan it paralytic shellfish poison ukon red tide ro probinsiya ko nagtaliwan pa nga Nobyembre 2015 hasta Enero 2016 , apang maswerteng hasta sa makaron hay owa kara it na-monitor sa coastal waters it Batan Bay kamana man sa mga kaiping nga baybayon it Altavas, Batan, New Washington ag Sapian Bay sa Capiz eakip ro Mambuquiao ag Camanci, Batan.
Bangud kara, ginpahayag ni Magno nga ro pagbo-oe, pagbaligya ag pagkaon it anuman nga klase it shellfish ag hipon sa nasambit nga mga lugar hay eowas gihapon nga kaunon.
May red tide suno kana ukon owa hay kada buean sanda nga nagapatigayon it monitoring .
