100 percent eon nga preparado ro Aklan Police Provincial Office ukon APPO para sa nakataeana nga WVRAA meet 2023 nga iga-host it probinsiya.
Suno kay PCapt. Aubrey Ayon, public information officer it APPO ag acting chief of police it PNP Tangalan, nga preparado eon ro security preparations para sa nagahilapit nga sporting event sa probinsiya.
Ginpahayag kara nga magadeploy sanda it police assistance sa mga billeting areas ag mga playing venues para magbantay 24/7.
Magapatigayon man it traffic management ag route security para sa opening it nasambit nga sporting event sa banwa it makato.
Magatao man ro APPO it convoy package para sa mga dinigtary VIPs.
Ginpahayag dugang pa ni PCapt. Ayon nga may mga police man nga magabantay 24/7 sa mga karsadahon.
Mag-eowas sa mga naka unipormeng kapulisan, magadeploy man ro ahensya it covert officers nga naka plain clothes para mas madali nga monitoring sa mga crowded areas.
Samtang , nagapabilin man bastante ro pwersa it mga kapulisan it APPO para magtao it seguridad para sa mga delegado, VIPs ag mga tumaean-aw.
Sa pihak nga parte, may contingency plan mna ro APPO engkaso nga magakinahangean sanda it dugang nga pwersa.
Sa makaron, naka heightened alert ro bilog nga kapulisan it probinsiya para mas masikyar nga maipabilin ro peace and order sa probinsiya.
