KALIBO, Aklan— Bangud sa ginaeauman nga masobra sa 3,000 nga mga participants ag VIPs sa pagahiwaton nga Western Visayas Regional Athletic Association ukon WVRAA Meet 2023 nga iga-host it Aklan nga nakataeanang pagahiwaton sa Abril 24 hasta 28, hugut nga seguridad ro igapatuman it Aklan Police Provincial Office ukon APPO.
Suno kay P/Staff Sgt. Jane Vega, Assistant Public Information Officer it APPO nga iga-implementar nanda ro major event security framework nga kaeabanan nga ginagamit sa mga mabahoe nga events kapareho it Ati-Atihan Festival.
Ginpahayag dugang nga ro security plan hay nakaplastar eon haeos daywang dag-on ro nagtaliwan kat owa nadayun ro pag-host it probinsiya sa WVRAA, ginakabig nga pinakamabahoe nga local sporting event, bangud sa COVID-19 pandemic.
Posible suno kana nga finishing touches eon lang ro andang paga-obrahon sa oras nga pormal nga makahinun-anon ro pamunuan it Department of Education ukon DepEd.
Kumpiyansa man ro APPO nga all set and ready eon ro tanan para sa hosting it WVRAA maskin nga ginaeauman ro pagbuhos it mga student-athletes halin sa 6 nga probinsiya it Region 6 kaibahan ro mga tumaean-aw.
Gindugang pa nga nakahathat eon ro security plan para sa mga billeting quarters ag playing venues.
Angot kara, nag apela it kooperasyon ag suporta ro APPO sa publiko para sa madinaeag-on nga pag host it Aklan sa WVRAA Meet 2023.
